itStyle4U: របៀបដំឡើង WordPress 3.2.1 ក្នុងម៉ាស៊ីនផ្ទាល់ខ្លួន

នេះជាការបង្ហាញពីរបៀបដំឡើង WordPress 3.2.1 នៅក្នុងម៉ាស៊ីនកុំព្យូទ័រផ្ទាល់ខ្លួនរបស់អ្នក មួយជំហានម្ដងៗ ពីចាប់ផ្ដើមរហូតដល់ដំឡើងបានសម្រេច។ ចំពោះការដំឡើងនេះ អ្នកមិនចាំបាច់ចំណាយពេលដល់ ៥នាទីផង គឺបានសម្រេចហើយ តែសម្រាប់អ្នកដែលចាប់ផ្ដើមដំបូងអាចចំណាយពេលយួរជាងនេះបន្តិច ទៅតាមការយល់ដឹងរបស់ពួកគាត់។ វាមិនមានការពិបាកអ្វីនោះទោ ចំពោះការដំឡើង WordPress គ្រាន់តែចុចៗ ហើយបំពេញព័ត៌មានដែល WordPress ត្រូវការ ជាការស្រេច។

តម្រូវការមុនពេលដំឡើង

ចាំបាច់ត្រូវតែមាន Web Server នៅក្នុងម៉ាស៊ីនរបស់អ្នកជាមុនសិន ដើម្បីបង្កើត Web Server ក្នុងម៉ាស៊ីនរបស់អ្នក សូមទាញយកកម្មវិធី Wamp Server រួចហើយសូមធ្វើការដំឡើងវាទៅក្នុង drive C: ឬ D: តាមតែអ្នកចង់ជ្រើសរើស(ខ្ញុំយក C:)។ ក្រោយពីដំឡើងចប់អ្នកនឹងបានសឺមី(folder)មួយឈ្មោះថា wamp ប្រសិនបើអ្នកចូលទៅ សឺមីនេះ នឹងមានសឺមីកូនជាច្រើនទៀត ប៉ុន្តែសឺមីដែលសំខាន់នោះគឺ www សម្រាប់ដំណើរការ វែបសាយរបស់អ្នក។ ពេលនេះសូម បើក wamp អោយវាដំណើរការ រូបខាងក្រោមបញ្ជាក់ថា wamp កំពុងដំណើរការ។

ជាដំបូងសូមចូលទៅទាញយកក្នុងវេបសាយនេះ WordPress.org ជាមុនសិន។ ក្រោយពីទាញបានជោកជ័យ ចូរពន្លា(Extract)ឯកសារ WordPress ដែលអ្នកទើបនឹងទាញយកមកអម្បាញ់មិញ ក្រោយពីពន្លា អ្នកនឹងបានសឺមី woldpress សូមចម្លង សឺមីនេះទៅដាក់ក្នុង សឺមី C:\wamp\www\ បន្ទាប់មកសូមបើក កម្មវិធីស្វែងរកណាមួយ(Web Browser) នៅក្នុង Address bar សូមវាយ http://localhost/wordpress/ ផ្ទាំងខាងក្រោមនឹងលេចចេញមក៖

រូបខាងលើបញ្ជាក់ថា អ្នកមិនទាន់បង្កើត file wp-config.php សូមចុចលើប៊ូតុង Create a Configuration Fileការងារបន្ទាប់សូមមើលរូបខាងក្រោម៖

ពេលនេះ អ្នកបានបង្កើត file wp-config.php អញ្ចឹងការងារបន្ទាប់នោះ គឺអ្នកត្រូវបំពេញមួយចំនួនដូចជា៖

Database name ឈ្មោះ Database របស់អ្នក
Database username ឈ្មោះ ដើម្បីចូលទៅប្រើប្រាស់ Database
Database password ពាក្យសម្រាប់ភ្ជាប់ទៅកាន់ Database
Database host គឺជា host សម្រាប់ Database ជាទួទៅគឺយើងត្រូវដាក់ localhost
Table prefix ពាក្យដែលនៅខាងមុខឈ្មោះ Table និមួយៗ ជាទួទៅ wordpress បានភ្ជាប់ Table របស់វាជាមួយនឹងពាក្យ wp_ ដើម្បីធ្វើអោយមានសុវត្ថិភាពខ្ពស់ចំពោះវែបសាយរបស់ចាំបាច់ត្រូវប្ដូរ Table prefix នេះ។

មុននឹងចុចលើប៊ូតុង Let’s go អ្នកត្រូវបង្កើត Database ជាមុនសិន សូមបើកផ្ទាំងថ្មីរបស់កម្មវិធីរុក រួចហើយវាយអាសយដ្ឋាននេះ http://localhost/phpmyadmin/ ក្នុង Address bar ដើម្បីបង្កើត Database។ រូបខាងក្រោមជាផ្ទាំង phpMyAdmin សម្រាប់បង្កើត Database៖

សូមបំពេញឈ្មោះ Database នៅត្រង់ចំណុចសញ្ញាព្រួញ រួចហើយចុចលើប៊ូតុង Create នោះជាការស្រេច។ ក្រោយពីបានបង្កើត Database រួចហើយសូមត្រលប់ទៅកាន់ផ្ទាំងដំឡើង WordPress ហើយចុចលើប៊ូតុងLet’s go ដើម្បីបំពេញទិន្នន័យសម្រាប់ភ្ជាប់ទៅកាន់ Database ដែលអ្នកទើបនឹងបង្កើតថ្មីៗនេះ។

ផ្ទាំងថ្មីនេះ សម្រាប់ព័ត៌មានភ្ជាប់ទៅកាន់ Database សូមបំពេញព័ត៌មានដូចរូបខាងក្រោម រួចរាល់សូមចុចលើប៊ូតុង submit